E-mail:

info@nuraniy.uz

Исеним телефоны:

+998 61 222-24-34

Menu

Қарақалпақстан Республикасы Жоқарғы Кеңесиниң баслығы екинши жәҳән урысы қаҳарманларына Президент саўғасын тапсырды




Қарақалпақстан Республикасы Жоқарғы Кеңесиниң баслығы М.Т.Ерниязов «Еслеў ҳәм қәдирлеў» күни мүнәсибети менен Нөкис қаласындағы екинши жәҳән урысы қаҳарманлары: Нурулло Абдуллаев ҳәм Назарбай Тажибаевлардың ҳалынан хабар алып, нураныйларға Өзбекстан Республикасы Президенти саўғасы ақшалай сыйлықты салтаналы түрде тапсырды ҳәм ветеранларға турмыслық техника буйымларын саўға етти.
Ушырасыўда Жаслар аўқамы Қарақалпақстан Республикалық Кеңесиниң белсенди жаслары ҳәм сәрдарлары ветеранларымыз бенен жақыннан сәўбетлести. Сәўбетте нураныйларымыз жаслық дәўири қанлы урыс ўақытларына туўра келгенлиги, Ўатанымыздың абат турмысы жолында көрсеткен ерликлери ҳаққында айтып, көзлерине жас алды.
-Шүкир, перзентлеримиз ғәрезсиз, тыныш заманда жасап атыр. Бүгин, жасларымызды, олардың көзлеринде жанып турған уллы келешекти көрип, өзимди және де күшлирек сездим, – дейди ветеран Нурулло Абдуллаев. – Мине усындай абат, тыныш кекселери қәдир тапқан елде жасап атырғанымнан қуўанышлыман.
Индира Мамбетназарова